Сақтандыру ұйымымен зейнетақы аннуитеті шартын жасау құқығы бар тұлғалар:

• зейнет жасына толған тұлғалар, атап айтқанда 63 жасқа толған ерлер, 60 жасқа толған әйелдер (әйелдердің жасы жыл сайын жарты жылға 63 жасқа дейін көтеріледі), міндетті зейнетақы жарналары (МЗЖ) және міндетті кәсіптік зейнетақы жарналары (МКЗЖ) есебінен құралған зейнетақы жинақтары (ЗЖ) пайдаланылады;
• 45 жасқа толған, МЗЖ есебінен құралған ЗЖ пайдаланылады;
• 40 жасқа толған, жинап келгенде кемінде 60 күнтізбелік ай МКЗЖ төленген тұлғалар;
• мүгедектік мерзімсіз болып белгіленсе, 1-ші және 2-топтардағы мүгедектер, МЗЖ және МКЗЖ есебінен құралған ЗЖ пайдаланылады.

Есебінен қалыптасқан зейнетақы жинақтары жеткіліксіз болған жағдайда:

• МЗЖ есебінен құралған ЗЖ жеткіліксіз болған жағдайда, аудару үшін МКЗЖ және (немесе) ерікті зейнетақы жарналары (ЕЗЖ) есебінен құралған ЗЖ пайдаланылуы мүмкін;
• МКЗЖ есебінен құралған ЗЖ жеткіліксіз болған жағдайда, аудару үшін МЗЖ және ЕЗЖ есебінен құралған ЗЖ пайдаланылуы мүмкін.

Зейнетақы аннуитеті шарты бойынша сақтандыру төлемдері ай сайын жүзеге асырылады, бірақ сақтанушы:

ерлер - 55 жасқа;

әйелдер:

2021 жылғы 1 қаңтардан бастап - 52 жасқа;

2022 жылғы 1 қаңтардан бастап - 52,5 жасқа;

2023 жылғы 1 қаңтардан бастап - 53 жасқа;

2028 жылғы 1 қаңтардан бастап - 53,5 жасқа;

2029 жылғы 1 қаңтардан бастап - 54 жасқа;

2030 жылғы 1 қаңтардан бастап - 54,5 жасқа;

2031 жылғы 1 қаңтардан бастап - 55 жасқа;

40 жасқа толған, жинап келгенде кемінде 60 күнтізбелік ай МКЗЖ төленген тұлғалар 50 жасқа толғаннан кейін жүзеге асырады.

Есептеу кезінде Қазақстан Республикасының Қаржы нарығын реттеу және дамыту агенттігі Басқармасының 2023 жылғы 7 маусымдағы № 45 қаулысына сәйкес әрбір сақтандыру төлемінен 3 пайыз және сақтандыру сыйлықақысының мөлшерінен 1,5 пайыз мөлшерінде сақтандыру ұйымының іс жүргізу шығыстары ескеріледі.

Сақтандыру сыйлықақысының сомасын/ай сайынғы сақтандыру төлемін есептеу ай сайынғы сақтандыру төлемі мөлшерінің 2024-2028 жылдарға ҚР ЭТҚ болжамына сай тиісті жылға ең төмен күнкөріс деңгейі шамасының 70 пайызынан төмен болмайтыны ескеріліп жүзеге асырылады, ЭТҚ ҚР 2024-2028 жж.:

- 2024 жылға 30 385 теңге;
- 2025 жылға 32 360 теңге;
- 2026 жылға 33 978 теңге;
- 2027 жылға 35 677 теңге;
- 2028 жылға 37 460 теңге;
Кейінгі жылдары күнкөрістің ең төменгі деңгейінің 70 пайызының мәні инфляцияның болжанған 5 пайыз деңгейіне өткен жылға сәйкес мәнді арттыру арқылы анықталады.

Алған есеп – алдын ала есеп, ақырғы есеп сақтандыру ұйымына барған кезде жасалады.