Қазақстан Республикасы Әкімшілік рәсімдік-процестік кодексінің 76-бабының 1-тармағына сәйкес, егер Қазақстан Республикасының заңдарында өзгеше көзделмесе, жолданым негізінде қозғалған әкімшілік рәсімнің мерзімі жолданым келіп түскен күннен бастап 15 (он бес) жұмыс күнін құрайды.
Сұранысыңызға құжаттарды қосып (файл қосымшасымен) жібергіңіз келген жағдайда, сұранысты Қордың электрондық enpf@enpf.kz мекенжайына жібере аласыз.
Құрметті салымшы (алушы)!
Қазақстан Республикасының Әкімшілік рәсімдік-процестік кодексінің талаптарына сәйкес шағымды (әкімшілік рәсімге қатысушының немесе басқа адамдардың құқықтарын, бостандықтарын немесе Сіздің заңды мүдделеріңізді немесе әкімшілік актімен, әкімшілік әрекетпен/әрекетсіздікпен бұзылған құқықтарды қалпына келтіру немесе қорғау туралы талабын қамтитын өтінішті) келесі тәсілдердің бірімен жолдауға болады:
- электрондық цифрлық қолтаңба бар болса, шағымды электрондық нысанда «Е-өтініш» электрондық жүйесі арқылы жіберу, бұл Сізге шағымыңыздың қаралу барысын бақылауға және берілген жауаптың сапасын бағалауға мүмкіндік береді(https://eotinish.gov.kz/auth/login);
- ӘРПК-нің 93-бабының талаптарын сақтай отырып, «БЖЗҚ» АҚ-ға қағаз тасымалдағышта шағым беру;
- шағымды сканерлеп алып, «БЖЗҚ» АҚ-ның enpf@enpf.kz ресми электрондық мекенжайына жолдау немесе пошталық байланыс арқылы жолдау/ келесі мекенжай бойынша қолма-қол беру: A25C9X9, Алматы қ., Самал-2 ш/а, №97 үй, №13 тұрғын емес үй-жай (пошталық хат-хабар үшін) не болмаса «БЖЗҚ» АҚ-ның кез келген өңірлік бөлімшесіне беру, «БЖЗҚ» АҚ бөлімшелерінің орналасқан жерлері туралы ақпаратпен келесі сілтеме бойынша танысуға болады: https://www.enpf.kz/ru/contacts/regionalnaya-set/index.php.