Қор туралы

ҚОР ТУРАЛЫ


«БЖЗҚ» АҚ 2013 жылғы 22 тамызда «ГНПФ» ЖЗҚ» АҚ негізінде құрылды.

Қазақстан Республикасының Үкіметі Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы «БЖЗҚ» АҚ-ның құрылтайшысы әрі акционері болып табылады.

«БЖЗҚ» АҚ-ның мемлекеттік акциялар пакеті Қазақстан Республикасы Ұлттық Банкінің сенімгерлік басқаруында тұр.
«БЖЗҚ» АҚ-ның зейнетақы активтерін басқаруды Қазақстан Республикасының Ұлттық Банкі Қазақстан Республикасының Президенті жанындағы Зейнетақы активтерін басқару жөніндегі кеңеспен бірлесіп жүзеге асырады. Қазақстан Республикасы Президентінің Жарлығына сәйкес 2016 жылғы 1 қаңтардан бастап зейнетақы активтерін басқару тиімділігін арттыру жөніндегі ұсынымдар жасау функциялары Қазақстан Республикасының Президенті басшылық ететін Ұлттық Қорды басқару жөніндегі кеңеске берілді.
   
МИССИЯСЫ:

Қызмет сапасын көтеру, зейнетақы активтерін дұрыс есепке алу, сондай-ақ зейнетақы жинақтарын жоспарлау мәдениетін көтеру арқылы зейнетақы жинақтарын қалыптастыруда салымшыларға ұйымдастырушылық көмек көрсету.

КЕЛЕШЕК:

БЖЗҚ – Қазақстан Республикасының жинақтаушы зейнетақы жүйесінің барлық қаржылық және ақпараттық ағындарының сенімді бірыңғай басқарушысы және операторы.

010.png ҚЫЗМЕТТЕР:

009.png зейнетақымен қамсыздандыру туралы шарттарды

    • міндетті зейнетақы жарналарын;
    • міндетті кәсіптік зейнетақы жарналарын;
    • ерікті зейнетақы жарналарын тарту арқылы жасау (жеке зейнетақы шотын ашу);
009.png төлемдерді ресімдеу;
009.png салымшыларға (алушыларға)  зейнетақы жинақтарының жай-күйі туралы жеке зейнетақы шотынан ақпарат беру;
009.png жеке зейнетақы шоттары иелерінің деректемелерін өзгерту (жеке және байланыс ақпараты);
009.png жинақтаушы зейнетақы жүйесінің жұмыс істеу және зейнетақы активтерін инвестициялық басқару жөніндегі қызмет мәселелері бойынша  тегін кеңес беру.