ЗЕЙНЕТАҚЫ ТӨЛЕМДЕРІ, БІРЖОЛҒЫ ЗЕЙНЕТАҚЫ ТӨЛЕМДЕРІН ЖҮЗЕГЕ АСЫРУДЫҢ КЕЗЕҢДІЛІГІ МЕН МЕРЗІМІ

2018 жылдың 1 қаңтарынан бастап міндетті зейнетақы жарналары (МЗЖ) және міндетті кәсіптік зейнетақы жарналары (МКСЖ) есебінен зейнетақы төлемдерін БЖЗҚ бекітілген кесте бойынша жалпыға белгіленген зейнетақы жасына жеткен тұлғаларға, сонымен қатар, бірінші және екінші топтағы мүгедектігі мерзімсіз анықталған мүгедектігі бар тұлғаларға (зейнетақы төлемдерін алуға алғаш рет 01.01.2018ж. кейін өтініш берген алушылар үшін) АЙ САЙЫН жүзеге асырады. Алайда, зейнетақы жинақтарының сомасы алымшының өтініш берген күні бір рет төленетің ең төменгі зейнетақының он екі еселік көлемінен аспайтын болса, төлем жасалмайды.

БЖЗҚ-дан зейнетақы төлемдер, біржолғы зейнетақы төлемдер келесі кезеңділікпен жүзеге асырылады:

АЙ САЙЫН:

• мемлекеттік корпорация бекіткен зейнетақы төлем кестесіне сәйкес, бірақ БЖЗҚ-дан зейнетақы төлемдерін алу құқығы пайда болған күннен ерте емес (яғни жалпыға белгіленген зейнетақы жасына жеткен күннен), жалпыға белгіленген жасқа жеткен тұлғаларға 10 жұмыс күні ішінде;
•мүгедектігі мерзімсіз болып белгіленсе, бірінші немесе екінші топтардағы мүгедектігі бар тұлғаларға белгіленген кесте бойынша БЖЗҚ-ға құжаттар қабылданған не келіп түскен күннен бастап 10 жұмыс күні ішінде алуға құқылы.

БІР ЖОЛҒЫ:

• БЖЗҚ-ға құжаттар қабылданған немесе келіп түскен күннен бастап 10 жұмыс күні ішінде Қазақстан Республикасынан тыс жерлерге тұрақты тұруға кеткен тұлғаларға;

• БЖЗҚ-да зейнетақы жинақтары бар адам қайтыс болған жағдайда:
жерлеуге – БЖЗҚ құжаттарды қабылдаған күннен бастап 5 жұмыс күні ішінде;
мұрагерлерге – БЖЗҚ-ға құжаттар қабылданған немесе келіп түскен күннен бастап 10 жұмыс күні ішінде жүзеге асырылады;

• тұрғын үй жағдайын жақсарту және (немесе) емделуге ақы төлеу мақсатында – БЖЗҚ уәкілетті оператордан біржолғы зейнетақы төлеміне қабылданған өтініш туралы электрондық хабарламаны қабылдаған күннен бастап 5 жұмыс күні ішінде жүзеге асырылады.

	«Бірыңғай жинақтаушы зейнетақы қорынан міндетті зейнетақы жарналары, міндетті кәсіптік зейнетақы жарналары есебінен қалыптасқан зейнетақы жинақтарынан зейнетақы төлемдерін жүзеге асыру» мемлекеттік қызметін көрсету қағидалары