БІРЫҢҒАЙ ТӨЛЕМ БОЙЫНША  АҚПАРАТ

2023 жылғы 1 қаңтардан бастап Қазақстанда бірыңғай төлем енгізілді.

Бірыңғай төлемге төленуі тиіс жеке табыс салығы сомасы, міндетті зейнетақы жарналары (МЗЖ), әлеуметтік аударымдар, міндетті әлеуметтік медициналық сақтандыру жарналары мен аударымдары кіреді.

Жеңілдетілген декларация негізіндегі және ауыл шаруашылығы өнімдерін өндірушілерге арналған арнаулы салық режимдерін (АСР) қолданатын микрокәсіпкерлік және шағын кәсіпкерлік субъектісі болып табылатын жұмыс беруші есептеген қызметкердің табысы бірыңғай төлеммен салық салу объектісі болып табылады.

Микрокәсіпкерлік және шағын кәсіпкерлік субъектілері болып табылатын, АСР қолданатын жеке кәсіпкерлер мен заңды тұлғалар салық агенттері болып танылады.

Бірыңғай төлемнің мөлшерлемесі:

2023 жылғы 1 қаңтардан бастап – 20,0 пайыз;

2024 жылғы 1 қаңтардан бастап – 21,5 пайыз;

2025 жылғы 1 қаңтардан бастап – 23,8 пайыз;

2026 жылғы 1 қаңтардан бастап – 24,8 пайыз;

2027 жылғы 1 қаңтардан бастап – 25,8 пайыз;

2028 жылғы 1 қаңтардан бастап – 26,3 пайыз.

Бірыңғай төлем төлеушілер үшін бірыңғай төлем мөлшерлемесіндегі МЗЖ үлесі:

2023 жылғы 1 қаңтардан бастап – 50,0%;

2024 жылғы 1 қаңтардан бастап – 46,5%;

2025 жылғы 1 қаңтардан бастап – 42,0%;

2026 жылғы 1 қаңтардан бастап – 40,3%;

2027 жылғы 1 қаңтардан бастап – 38,8%;

2028 жылғы 1 қаңтардан бастап – 38,0%.

Бірыңғай төлемді аудару мерзімі – екінші деңгейдегі банктер немесе банк операцияларының жекелеген түрлерін жүзеге асыратын ұйымдар арқылы «Азаматтарға арналған үкімет» мемлекеттік корпорациясының банк шотына есепті кезеңнен кейінгі айдың 25-ші күнінен кешіктірілмейтін мерзімде аударылуы тиіс.

Бірыңғай төлемді енгізу АСР бойынша жұмыс істейтін шағын бизнес өкілдеріне қызметкердің табысынан барлық салықтар мен басқа да міндетті төлемдерді төлеуді жеңілдетуі тиіс, ол енді бір төлем тапсырмасымен жүзеге асырылатын болады. Сондай-ақ тағы бір артықшылық – бұл төлемнің жиынтықтағы жалпы сомасы бөлек төлемге қарағанда аз болады.

Сонымен қатар, салық агенті тиісті декларацияда қызметкерлердің төлем көзінен салық салуға жататын табыстарына салық салудың бірыңғай тәртібін дербес айқындайды. Бастапқы немесе кезекті декларацияда төлем көзінен салық салуға жататын қызметкерлердің табыстарына салық салудың таңдалған тәртібі салық кезеңі ішінде өзгертілмейді.

Бірыңғай төлем аудару үшін деректемелер: