ЗЕЙНЕТАҚЫНЫ ЖОСПАРЛАУ
Зейнетақыны жоспарлау – болашақта қаржылық тұрақтылықты қамтамасыз етуге қажетті қадам. БЖЗҚ сайтында болашақ зейнетақыны есептеу және болжау үшін сервистер бар.
Зейнетақы калькуляторы – әрбір адам болашақ зейнетақының сомасын шамамен есептеп қана қоймай, сонымен қатар зейнетақы аннуитеті шартын жасасқан жағдайда сақтандыру ұйымынан сақтандыру сыйлықақысы мен сақтандыру төлемін есептеу, Қазақстан Республикасының зейнетақы заңнамасындағы өзгерістерге сәйкес баламалы мақсаттарға жинақтарды пайдалану нәтижесінде төлемдер мөлшері бойынша ақпарат ала алатын танымал дербес есептеу құралдарының бірі.
БЖЗҚ сайтында зейнетақы калькуляторының үш түрі берілген.
Ағымдағы зейнетақы калькуляторы
Зейнетақы калькуляторы жақын арада зейнетке шығатындарға көмектеседі. Бұл қызмет түрі зейнет жасына жеткен немесе І не ІІ топтағы мерзімсіз мүгедектігі бар адамдар үшін міндетті зейнетақы жарналары (МЗЖ) және міндетті кәсіптік зейнетақы жарналары (МКЗЖ) есебінен қалыптастырылған жинақтардан құралған кесте бойынша зейнетақы төлемдерін есептеуге арналған.
Зейнетақының болжамды мөлшерін білу үшін калькулятордағы барлық қажетті жолдарды толтыру керек. Жеке шоттағы зейнетақы жинақтарының сомасы туралы ақпаратты БЖЗҚ сайтындағы жеке кабинеттен алуға болады немесе БЖЗҚ кеңсесіне келуге болады. Жеке кабинетке кіріп, сол жерде калькуляторды қолданса, онда жинақтар сомасы автоматты түрде көрсетіледі.
Калькулятор төлемдерді 10%-ды құрайтын жеке табыс салығы (ЖТС) есебінсіз есептейтінін ескеріңіз. Калькулятор арқылы алған есеп алдын ала алынған есеп болып саналады.
Болжамды зейнетақы калькуляторы
Бұл қызмет жасыңыз, жынысыңыз, еңбек өтіліңіз және ағымдағы жинақтарыңыз туралы деректерді пайдалана отырып, болашақ зейнетақыңызды есептеуге мүмкіндік береді. Егер Жеке кабинетіңізге кірсеңіз, бұл деректердің көбісі автоматты түрде толтырылады.
Ақпаратты енгізгеннен кейін калькулятор:
|
|
|
|
|
|
- Мемлекеттік бюджеттен зейнетақы қаражатын (базалық және ортақ зейнетақы),
- Табысыңыздан 10% міндетті зейнетақы жарналарын (МЗЖ),
- Жұмыс берушіден 5% міндетті кәсіптік зейнетақы жарналарын (МКЗЖ) (бар болса),
- Бар болса, ерікті жарналарды талдайды.
|
Есептеу нәтижелері үш сценарийде берілген: пессимистік, реалистік және оптимистік, олар инвестицияның болжамды кірісіне байланысты. Егер болжамды жинақтар қажетті ең төменгі мөлшерден асып кетсе, сіз тұрғын үйді жақсартуға немесе емделуге қаражатты пайдалану мүмкіндігі туралы хабарлама аласыз. Сонымен қатар, егер жинақ жеткілікті болса, сіз сақтандыру компаниясымен өмірлік төлемдерге шарт жасасуды қарастыра аласыз.
Есептер болжамды және нақты төлемдерге кепіл бермейтінін ұмытпаңыз.
Сақтандыру сыйлықақысын және сақтандыру ұйымынан сақтандыру төлемдерін есептеу бойынша калькулятор
Сақтандыру сыйлықақысын және зейнетақы аннуитеті бойынша төлемдерді есептеу калькуляторы – бұл сақтандыру төлемдеріңіздің мөлшерін алдын ала білуге арналған қолайлы құрал.
Сіз төмендегілерді біле аласыз:
|
|
|
|
|
|
- Сақтандыру төлемдерінің мөлшерін білесіз: ағымдағы талаптар мен мөлшерлемелерді ескере отырып, зейнетақы төлемдерінің болжамды есебін аласыз.
- Есептеу форматын таңдаңыз: нәтижелері номинал бағада (инфляция есебімен), сондай-ақ ағымдағы бағада (инфляция есебінсіз) берілуі мүмкін.
- Нәтижелерді алыңыз: Сіз нәтижелерді тікелей қосымшадан шығара аласыз немесе электронды поштаңызға жібере аласыз.
|
Дербес зейнетақы жоспары – бұл болашақ зейнетақыны дербес болжауға арналған жаңа және жеңілдетілген формат.
Аталған сервис болашақ зейнетақыны жеңіл болжауға көмектеседі. Мұны былай жасайды:
1. Жеке кабинетке кіріңіз. Сіз жаңа қызмет және оны пайдалану мүмкіндігі туралы хабарлама аласыз.
2. Деректерді енгізіңіз. Ағымдағы ақпаратты көрсетіңіз және қажетті зейнетақы сомасын таңдаңыз.
3. «Есептеу» басыңыз.
Жүйе дербес зейнетақы жоспарыңызды қалыптастырады. Сіз:
|
|
|
|
|
|
- Зейнет жасына жету күнін көресіз.
- Зейнетақы жоспарыңыздың ағымдағы мәртебесін көресіз.
- Жылдар бойынша зейнетақы жинақтарының болжамды мөлшерін көресіз.
|
Сіз жоспардың орындалуын пайыздық қатынаста да, ақшалай түрде де бақылай аласыз. Егер жинақтарыңыз қажетті сомаға жетпесе, оларды ерікті жарналар арқылы толтыра аласыз. Сонымен қатар, деректер мен қажетті зейнетақы сомасын кез келген уақытта өзгерту мүмкіндігіңіз бар.
