БАСТЫ ОҚИҒАЛАР

Жұмыс берушінің міндетті зейнетақы жарнасы енгізілді

2024 жылғы 1 қаңтардан бастап жинақтаушы зейнетақы жүйесінің (ЖЗЖ) жаңа құрамдауышын - жұмыс берушінің өз қаражаты есебінен жүзеге асыратын жұмыс берушінің міндетті зейнетақы жарналарын (ЖМЗЖ) кезең-кезеңімен енгізу басталды. Бұл зейнетақымен қамсыздандыру үшін жауапкершілікті мемлекет, жұмыс беруші және қызметкер арасында оңтайлы бөлуге мүмкіндік береді.

"Дербес жоспар" жаңа электрондық қызмет көрсету іске қосылды

БЖЗҚ зейнетақы жинақтарының дербес жоспарын салымшыға көмек ретінде әзірледі және болашақ зейнетақыны жоспарлаудың құралы болып табылады. Зейнетақы жоспары пайдаланушыға өз бетінше:

- зейнетақы жинақтарының ағымдағы көлемін ескере отырып, зейнетақы төлемдерінің қажетті сомасы тұрғысынан талап етілетін жарналардың мөлшерін есептеуге;

- дербес жинақтау жоспарының орындалуына мониторинг жүргізуге (автоматтандырылған дербес хабарламалар жүйесі арқылы) мүмкіндік береді.

«БЖЗҚ» АҚ жанындағы Қоғамдық кеңестің құрамы жаңартылды
БЖЗҚ жанындағы Қоғамдық кеңестің кезекті 26-шы отырысы өтті, онда Кеңес мүшелері Қазақстан қаржыгерлері қауымдастығының төрағасы Елена Бахмутованы ҚК құрамына қабылдауға бірауыздан дауыс берді.

"Ұлттық қор-балаларға" бағдарламасы іске қосылды
2024 жылғы 1 қаңтардан бастап елімізде "Ұлттық қор - балаларға" бағдарламасы іске қосылды, оның шеңберінде барлық кәмелетке толмаған қазақстандықтарға жыл сайын ҚР Ұлттық қорының 18 жылдағы орташа инвестициялық кірісінің  50% мөлшері теңдей үлесте есептелетін болады.

«БЖЗҚ» АҚ халықаралық аудиттен сәтті өтті
Бірыңғай жинақтаушы зейнетақы қоры сапа менеджменті жүйесінің ISO 9001:2015 халықаралық сапа менеджменті стандартының талаптарына сәйкестігіне орай сыртқы қайта сертификаттау аудитінен сәтті өтті. Қорға тиісті халықаралық сертификат берілді.

«БЖЗҚ» АҚ Жалғыз акционерінің құзыретіне кіретін мәселелерді қарастыру

«БЖЗҚ» АҚ Директорлар кеңесі 2023 жылғы 30 наурызда (30.03.2023ж. №1 хаттама) Қазақстан Республикасының заңнамасымен және «БЖЗҚ» АҚ Жарғысымен белгіленген тәртіппен «БЖЗҚ» АҚ Жалғыз акционерінің жыл сайынғы қарастыруына оның құзыретіне кіретін мәселелерді шығару туралы шешім қабылдады.

Қоғамның 2021 жылғы жылдық қаржылық есептілігі бекітілді

«БЖЗҚ» АҚ Жалғыз акционерінің 2023 жылғы 22 мамырдағы шешімімен (Қазақстан Республикасы Ұлттық Банкі Басқармасының 2023 жылғы 22 мамырдағы № 36 қаулысы) меншікті және зейнетақы активтері бойынша есептілік қамтылған, 2022 жыл үшін Қоғамның аудиттелген жылдық қаржылық есептілігі бекітілді.

«БЖЗҚ» АҚ Директорлар кеңесі туралы

«БЖЗҚ» АҚ Жалғыз акционерінің 2023 жылғы 29 маусымдағы шешімімен (Қазақстан Республикасының Ұлттық Банкі Басқармасының 29.06.2023 жылғы № 45 қаулысы) «БЖЗҚ» АҚ Директорлар кеңесі келесі құрамда сайланды:

Қазақстан Республикасы Ұлттық Банкі Төрағасының орынбасары – Қазақстан Республикасы Ұлттық Банкінің Алматы қаласындағы тұрақты өкілдігінің басшысы – Виталий Алексеевич Тутушкин;

Қазақстан Республикасы Қаржы министрлігі Мемлекеттік мүлік және жекешелендіру комитетінің Төрағасы – Бақытбек Хәкімұлы Тәшенев;

«БЖЗҚ» АҚ Басқармасының Төрағасы – Жанат Бостанұлы Құрманов;

Қазақстан Республикасының Еңбек және халықты әлеуметтік қорғау вице-министрі – Назгүл Ерікқызы Сағындықова;

«БЖЗҚ» АҚ тәуелсіз директорлары ретінде:

Асқар Раушанұлы Елемесов;

Прасад Бхамре;

Айдар Әбдіразақұлы Әріпханов;

Рахмет Хибадұллаұлы Хайрұллаев.

«БЖЗҚ» АҚ Жалғыз акционерінің құзыретіне кіретін мәселелерді қарастыру

«БЖЗҚ» АҚ Директорлар кеңесі 2022 жылғы 29 наурызда (29.03.2022ж. №1 хаттама) Қазақстан Республикасының заңнамасымен және «БЖЗҚ» АҚ Жарғысымен белгіленген тәртіппен «БЖЗҚ» АҚ Жалғыз акционерінің жыл сайынғы қарастыруына оның құзыретіне кіретін мәселелерді шығару туралы шешім қабылдады.

«БЖЗҚ» АҚ Директорлар кеңесі құрамындағы өзгерістер

«БЖЗҚ» АҚ Жалғыз акционерінің 2022 жылғы 28 сәуірдегі шешімімен (Қазақстан Республикасының Ұлттық Банкі Басқармасының 28.04.2022 жылғы № 37 қаулысы) «БЖЗҚ» АҚ Директорлар кеңесінің мүшесі Шолпанкулов Берик Шолпанкуловичтің өкілеттігі мерзімінен бұрын тоқтатылды. 2022 жылғы 28 сәуірден бастап «БЖЗҚ» АҚ Директорлар кеңесінің құрамына Қазақстан Республикасы Ұлттық Банкінің өкілі ретінде Қазақстан Республикасының Ұлттық Банкі Төрағасының орынбасары – Ұлттық Банктің Алматы қаласындағы тұрақты өкілдігінің басшысы Тутушкин Виталий Алексеевич сайланды.

Қоғамның 2021 жылғы жылдық қаржылық есептілігі бекітілді

«БЖЗҚ» АҚ Жалғыз акционерінің 2022 жылғы 28 cәуірдегі шешімімен (Қазақстан Республикасы Ұлттық Банкі Басқармасының 2022 жылғы 28 cәуірдегі № 36 қаулысы) меншікті қаражат және зейнетақы активтері бойынша аудиттелген есептілік қамтылған Қоғамның 2021 жылғы жылдық қаржылық есептілігі бекітілді.

Тутушкин В.А. «БЖЗҚ» АҚ Директорлар кеңесінің төрағасы болып сайланды

«БЖЗҚ» АҚ Директорлар кеңесі 2022 жылғы 17 мамырда (17.05.2022ж. № 2 хаттама) Виталий Алексеевич Тутушкинды «БЖЗҚ» АҚ Директорлар кеңесінің төрағасы етіп сайлады.

«БЖЗҚ» АҚ Директорлар кеңесінің құрамындағы өзгерістер

Шолпанкулов Б.Ш. «БЖЗҚ» АҚ Директорлар кеңесінің төрағасы болып сайланды

БЖЗҚ жанындағы Қоғамдық кеңестің төрағасы болып Ерлан Бурабаев сайланды

«Ашық есік күні» онлайн режимінде

БЖЗҚ тұрғындар арасында ақпараттық-түсіндіру жұмыстарын жүргізу аясында «Ашық есік күні» шарасын жаңа онлайн пішімде өткізді. Шараға қатысуға ықылас білдірген кез-келген адам арнайы онлайн платформаның көмегімен өз ниетін үйден шықпай-ақ жүзеге асыра алды.

БЖЗҚ сайтындағы Жеке кабинет интерфейсі жаңартылды

БЖЗҚ сапа менеджментінің халықаралық стандарттарға сәйкестігін растады

Бірыңғай жинақтаушы зейнетақы қоры сапа менеджменті жүйесінің ISO 9001:2015 халықаралық стандартының талаптарына сәйкестігіне екінші бақылау аудитінен сәтті өтіп, бұрын берілген сапа менеджменті жүйесінің сертификатын растады.

Қазақстан әлемнің үздік зейнетақы жүйесі бар жиырма елінің қатарына енді

Сақтандыру саласындағы әлемдік көшбасшылардың бірі немістің ең ірі сақтандыру компаниясы Allianz зейнетақы жүйесінің сапасы мен ұлттық зейнетақы жүйелерінің тұрақтылығы туралы есеп дайындады. Allianz Global Pension Report есебінде зейнетақы жүйесінің қаржылық тұрақтылығының алғышарттары, демография және 70 елдің өзара сәйкес келетін зейнетақы төлемдері қолданылды (2020 жылғы наурыздағы мәліметтер).

Зерттеу қорытындысы бойынша Қазақстан үздік жиырмалыққа еніп, 3,48 көрсеткішпен Тәуелсіз Мемлекеттер Достастығы (ТМД) елдері арасында көшбасшы атанды. Бұрынғы КСРО елдерінен Қазақстанның алдында 13-ші орынға ие болған Латвия ғана тұр. Эстония мен Литва сәйкесінше 25 және 27 орындарда орналасқан. Ресей рейтингте 33-ші, ал Украина 56-шы орынға жайғасты.

«БЖЗҚ» АҚ-ның өңірлік желісіндегі өзгерістер

«БЖЗҚ» АҚ-ның Түркістан облыстық филиалы атауы «БЖЗҚ» АҚ-ның Шымкент қаласындағы филиалы» болып өзгертілді.

Сонымен қатар Түркістан қ. қызмет көрсету орталығы «БЖЗҚ» АҚ-ның Түркістан облыстық филиалы болып қайта құрылды.

БЖЗҚ қызметтері Қазпоштаның 304 бөлімшесінде қолжетімді

Еліміздің шалғай елді мекендерін зейнетақы қызметтерімен қамтамасыз ету мақсатында «БЖЗҚ» АҚ мен «Қазпошта» АҚ Қор салымшылары мен алушыларына ұлттық пошта операторының бөлімшелерінде қызмет көрсету бойынша бірлескен жобаны сәтті атқарып келе жатыр. Қазпошта операторларын оқыту шарасы өткізілгеннен кейін зейнетақы қызметтері БЖЗҚ-ның қызмет көрсету орталықтары жоқ елді мекендерде енгізілді. Енді салымшылар бұрын таяу жерде орналасқан ірі елді мекендерге бару керек болған қызметтерді еш қиындықсыз ала алады.

«Зейнетақымен қамсыздандыру туралы» ҚР Заңына өзгерістер енгізілді

Азаматтық-құқықтық сипаттағы шарттар бойынша жұмыстар мен қызметтер атқаратын жеке тұлғалардың міндетті зейнетақы жарналарын төлеу рәсімін оңайлату мақсатында зейнетақы заңнамасына мынадай өзгерістер енгізілді:

- егер азаматтық-құқықтық сипаттағы шарттардың бір тарабы салық агенті болса, жеке тұлғаларға, олардың ішінде фрилансерлерге берілетін табыстан міндетті зейнетақы жарналарын осы салық агенті төлейтін болады;

- егер азаматтық-құқықтық сипаттағы шарт жеке тұлғамен жасалған болса, міндетті зейнетақы жарналарын төлеу – фрилансердің міндеті емес, құқығы болып табылады;

- егер жеке тұлға жалдамалы жұмысшы болса және азаматтық-құқықтық сипаттағы шартты салық агенті болып табылмайтын жеке тұлғамен жасаса, онда осы шарт бойынша міндетті зейнетақы жарналарын төлеу – оның міндеті болып есептелмейді.

Бірыңғай жиынтық төлем іске қосылды

2019 жылдың 1 қаңтарынан бастап елімізде Бірыңғай жиынтық төлем (БЖТ) іске қосылды.

Бірыңғай жиынтық төлем өзін-өзі жұмыспен қамтушы жеке тұлғалардың бейресми қызметін тіркеуді оңайлатуға бағытталған. Сол арқылы төрт міндетті төлемді:

- жеке табыс салығын,

- БЖЗҚ-ға төленетін міндетті зейнетақы жарналарын,

- Мемлекеттік әлеуметтік сақтандыру қорына төленетін әлеуметтік аударымды,

- Міндетті әлеуметтік медициналық сақтандыру қорына төленетін әлеуметтік аударымды бір төлеммен жүзеге асыруға болады.

Зейнетақы шоттары автоматты түрде ашылады

2019 жылдың 8 қаңтарынан бастап БЖЗҚ-да міндетті зейнетақы жарналарын (МЗЖ) есепке алу бойынша жеке зейнетақы шотын (ЖЗШ) ашу үшін БЖЗҚ кеңселеріне келудің қажеті жоқ.

Алғашқы жарна келіп түскен кезде зейнетақы шоты Қордың ақпараттық жүйесінде автоматты түрде ашылады. Бұл ретте жеке тұлға МЗЖ аудару кезінде төлем тапсырмасының электрондық форматында көрсетілген дербес деректер (тегі, аты, әкесінің аты, жеке сәйкестендіру нөмірі, туған күні) бойынша сәйкестендіріледі. Ал жеке тұлғаның жеке басын куәландыратын құжаттың деректемелері бойынша қажетті мәліметтерді Қор мемлекеттік органдардың ақпараттық жүйелерінен алатын болады.

«Е-нотариат» және БЖЗҚ ақпараттық жүйелері бірігіп қызмет етеді

Жүйелердің өзара ықпалдастығы БЖЗҚ және нотариустардың өзара әрекеттерінің тиімділігін арттырады. 

Енді нотариустар мұрагерлік істер бойынша қайтыс болған салымшылардың (алушылардың) жеке зейнетақы шотының және онда ақшаның болуы туралы ақпаратты онлайн тәртібінде, хат жүзінде сауалдар жолдамастан ала алады.

Қор өз кезегінде салымшылар мен алушылар Қазақстан Республикасының нотариустары куәландырған немесе растаған құжаттарды ұсынған жағдайда «Е-нотариат» Бірыңғай нотариалдық ақпараттық жүйесіне сауал жолдап, салымшылар мен алушылардың Қорға ұсынған құжаттарына қатысты жасалған нотариалдық әрекеттер бойынша ресми растау құжатын алады.

«БЖЗҚ» АҚ Жарғысына өзгерістер енгізілді

«БЖЗҚ» АҚ Жалғыз акционерінің шешімімен (Қазақстан Республикасы Ұлттық Банкі Басқармасының 2019 жылғы 31 қаңтардағы № 22 қаулысы) «БЖЗҚ» АҚ Жарғысына өзгерістер бекітілді.  «БЖЗҚ» АҚ атқарушы органының орналасқан жері өзгерді. 

Құрманов Жанат Бостанұлы «БЖЗҚ» АҚ төрағасы болып тағайындалды

2019 жылдың 1 сәуірінен бастап «БЖЗҚ» АҚ Директорлар кеңесінің шешімімен (29.03.2019 № 1 хаттама) 2017 жылғы қаңтар айынан бастап Қорды басқарған Наурызбаева Нұрбибі Серікқажықызының өкілеттігі тоқтатылды. Құрманов Жанат Бостанұлы БЖЗҚ Басқарма төрағасы болып тағайындалды.

БЖЗҚ Директорлар кеңесінің кезекті отырысы

2019 жылғы 12 сәуірде «БЖЗҚ» АҚ Директорлар кеңесі (12.04.2019 жылғы № 2 хаттама) Қазақстан Республикасы заңнамасы мен «БЖЗҚ» АҚ Жарғысы белгілеген тәртіпте «БЖЗҚ» АҚ Жалғыз акционерінің өз құзыретіне қатысты мәселелерді жыл сайынғы қарауға шығаруы туралы шешімін қабылдады.

2018 жыл бойынша қаржылық есептілік бекітілді және таза кірісті жарғылық мақсаттарға бағыттау шешімі қабылданды

2019 жылғы 31 мамырда «БЖЗҚ» АҚ Жалғыз акционері (Қазақстан Республикасы Ұлттық Банк Басқармасының 31.05.2019 жылғы № 77 қаулысы) келесідей шешімдерді қабылдады:

1. Меншікті қаражат пен зейнетақы активтері бойынша аудиттелген есептілік қамтылған 2018 жылға Қоғамның жылдық қаржы есептілігін бекіту.
2. 2018 жылғы Қоғамның таза кірісін жарғылық мақсаттарға бағыттау.
3. Мыналар:

- 2018 жылға жүргізілген аудит қорытындылары бойынша «Делойт» ЖШС есебі;

- 2018 жылы жалғыз акционердің Қоғам мен оның лауазымдық тұлғаларының іс-әрекеттеріне өтініштерінің болмауы туралы ақпарат;

- 2018 жылға Қоғамның Директорлар кеңесінің және Басқармасы мүшелерінің сыйақы мөлшері мен құрамы туралы ақпарат;

- 2018 жылға Қоғамның Директорлар кеңесінің қызметі туралы есеп кіретін 2018 жылға Қоғамның есебі назарға алынсын.

«БЖЗҚ» АҚ Директорлар кеңесі мүшелерінің өкілеттіліктері мерзімінен бұрын тоқтатылды

«БЖЗҚ» АҚ Жалғыз акционерінің (Қазақстан Республикасы Ұлттық Банк Басқармасының 31.05.2019 жылғы № 76 қаулысы) шешімімен 2019 жылғы 31 мамырдан бастап «БЖЗҚ» АҚ Директорлар кеңесінің мүшелері Наурызбаева Нурбиби Серекхажиевнаның және Галиева Дина Тулеубековнаның өкілеттіліктері мерзімінен бұрын тоқтатылды.

2019 жылғы 31 мамырдан бастап «БЖЗҚ» АҚ Директорлар кеңесінің құрамына уәкілетті орган өкілі ретінде Қазақстан Республикасы Ұлттық Банк Басқармасының орынбасары Біртанов Есжан Амантайұлы және «БЖЗҚ» АҚ Басқарма Төрағасы Құрманов Жанат Бостанұлы сайланды.

Директорлар кеңесі және «БЖЗҚ» АҚ Басқармасындағы өзгерістер

► «БЖЗҚ» АҚ Директорлар кеңесінің 2019 жылғы 28 маусымдағы шешімімен (№ 3 хаттама):

1. Биртанов Есжан Амантайұлы - Қазақстан Республикасы Ұлттық Банкі Төрағасының орынбасары Директорлар кеңесінің төрағасы болып сайланды;

2. «БЖЗҚ» АҚ Басқармасына сайланғандар:

- Мадиева Айжан Маратовна Басқарма Төрағасының орынбасары, «БЖЗҚ» АҚ Басқарма мүшесі 2019 жылғы 1 шілдеден бастап;

- Сарсенова Наталья Васильевна Басқарушы директор, «БЖЗҚ» АҚ Басқарма мүшесі 2019 жылғы 22 шілдеден бастап;

- Дыбыспаев Қанат Болатжанұлы Басқарушы директор, «БЖЗҚ» АҚ Басқарма мүшесі 2019 жылғы 15 шілдеден бастап.

3. «БЖЗҚ» АҚ Басқармасының келесі мүшелерінің өкілеттіктері мерзімінен бұрын тоқтатылды:

- Мұхамеджанов Бауыржан Қайырушұлы, 2019 жылғы 1 шілдеден бастап;

- Төлегенова Жанар Қорғанбекқызы, 2019 жылғы 1 шілдеден бастап.

► «БЖЗҚ» АҚ Жалғыз акционерінің шешімі бойынша (Қазақстан Республикасы Ұлттық Банкі Басқармасының 2019 жылғы 2 шілдедегі № 111 қаулысы) Елемесов Асқар Раушанұлы «БЖЗҚ» АҚ тәуелсіз директоры, Директорлар кеңесінің мүшесі болып 2019 жылдың 2 шілдеден бастап сайланды.

► «БЖЗҚ» АҚ Жалғыз акционерінің 2019 жылғы 27 желтоқсандағы шешімімен (Қазақстан Республикасы Ұлттық Банкі Басқармасының 2019 жылғы 27 желтоқсандағы № 260 қаулысы):

1. «БЖЗҚ» АҚ Директорлар кеңесінің құрамынан шығарылды Жакупова Светлана Кабыкеновна;

2. Сарбасов Ақмади Әділұлы, Қазақстан Республикасы Еңбек және халықты әлеуметтік қорғау вице-министрі, «БЖЗҚ» АҚ Директорлар кеңесіне сайланды.

Қаңтардан бастап БЖЗҚ-дан төлемдер ай сайын жүзеге асырыла бастады.

Әйелдердің зейнетке шығу жасы кезеңкезеңмен ұлғайтыла бастады.

Ағымдағы жылы ақпан айының басында БЖЗҚ өзінің ресми сайтының дизайнын жаңартты.

БЖЗҚ Қордың 18 өңірлік филиалына өзіне-өзі қызмет көрсету терминалдарын орнатып, пайдалануға берді.

БЖЗҚ шалғай орналасқан елдімекендер үшін “Мобильдік кеңсе” жобасын іске қосты.

16 сәуірде Атырау облысында Бірыңғай жинақтаушы зейнетақы қорының жаңа «Мобильдік кеңсе» жобасы іске қосылды.

БЖЗҚ наурыздан бастап Сапа Менеджменті Жүйесінің ISO 9001:2015 стандартының талаптарына сәйкестігі аудитінен сәтті өтті.

БЖЗҚ “Қазпошта” АҚ-пен ынтымақтастық туралы Меморандумға және Шаралар жоспарына қол қойды.

Мамыр айында БЖЗҚ Telegram-бота қызметін іске қосты.

Шілдеден бастап базалық зейнетақыны тағайындау тәртібі өзгерді. Енді оны есептегенде еңбек өтілі және зейнетақы жүйесіне қатысу өтілі ескеріледі.

Шілде айында БЖЗҚ WhatsApp қызметінің – тұтынушылармен, оның ішінде шетелде жүргендермен 8-777-000-1418 нөмірі бойынша қашықтықтан өзара әрекеттесудің жаңа арнасын енгізгендігін хабарлайды.

Композиттік қызметті енгізу. 11.10.2018 жылдан бастап зейнеткерлік жасқа толған азаматтар, «Бір терезе» қағидаты бойынша жасына байланысты зейнетақы төлемдері мен мемлекеттік базалық зейнетақы төлемдерін және Бірыңғай жинақтаушы зейнетақы қорынан зейнетақы жарналарының міндетті түрлері есебінен қалыптасқан зейнетақы төлемдерін алу үшін бірыңғай өтінім мен құжаттар топтамасын тек бір жерге – «Азаматтарға арналған үкімет» Мемлекеттік корпорациясының Халыққа қызмет көрсету орталығына (ХҚО) тапсырулары қажет.

«БЖЗҚ» АҚ Директорлар кеңесінің 2018 жылғы 19 қазандағы (№ 12 жүзбе-жүз отырысының хаттамасы) шешімімен 2019 жылға бюджет пен инвестициялық жоспарға сай 2019 жылға 2017-2021 жылдарға «БЖЗҚ» АҚ Даму жоспарына (2019 жылға 2017-2021 жылдарға түзетілген «БЖЗҚ» АҚ Даму жоспары) өзгерістер мен толықтырулар бекітілді.

Қазақстан Республикасы Ұлттық Банкінің 2018 жылғы 29 қазандағы №279 қаулысымен «Бірыңғай жинақтаушы зейнетақы қоры» акционерлік қоғамының комиссиялық сыйақысының 2019 жылға арналған шамасы: 1) инвестициялық табыс сомасының 5,0 пайызы; 2) зейнетақы активтерінің айына 0,015 пайызы көлемінде бекітілді.

2018 жылдың 26 желтоқсанында «Қазақстан Республикасында зейнетақымен қамсыздандыру туралы» ҚР Заңына тиісті өзгерістер енгізілді. Ол азаматтық-құқықтық сипаттағы (АҚС) шарттар бойынша жұмыстар орындайтын және қызметтер көрсететін жеке тұлғалар үшін міндетті зейнетақы жарналарын төлеу рәсімін оңайлатуға бағытталған.

«БЖЗҚ» АҚ Жалғыз акционерінің шешімімен (Қазақстан Республикасы Ұлттық Банкінің 2018 жылғы 28 желтоқсандағы № 315 қаулысы) «БЖЗҚ» АҚ 2018-2019 жылдарға арналған зейнетақы және меншікті активтері бойынша қаржылық есептілігіне аудит жүргізу үшін «Делойт» ЖШС (БСН 940740000842) аудиторлық ұйым ретінде айқындалды.

«Бірыңғай жинақтаушы зейнетақы қоры» АҚ жалғыз акционерінің шешімімен (ҚР ҰБ Басқармасының 2017 жылғы 28 қаңтардағы №10-шы хаттамасы) Директорлар кеңесінің мүшесі және «БЖЗҚ» АҚ Басқарма Төрайымы болып Наурызбаева Нұрбүбі Серікқажықызы сайланды.

2017 жылғы 16 ақпанда БЖЗҚ жанындағы Қоғамдық кеңестің бірінші мәжілісі өткізіліп, Кеңестің құрамы бекітілді.

«БЖЗҚ» АҚ жалғыз акционерінің шешімімен (Қазақстан Республикасы Ұлттық Банкі Басқармасының 2017 жылғы 30 маусымдағы №125-ші қаулысы) «БЖЗҚ» АҚ Директорлар кеңесінің жаңа құрамы сайланды.

2017 жылғы 2 тамызда «БЖЗҚ» АҚ Директорлар кеңесінің Төрайымы болып Қазақстан Республикасы Ұлттық Банкі Төрағасының Орынбасары Ғалиева Дина Төлеубекқызы сайланды.

2017 жылғы 11 қазанда «БЖЗҚ» АҚ Директорлар кеңесінің шешімімен Қордың 2017-2021 жылдарға арналған жаңа Корпоративтік даму стратегиясы бекітілді.

2017 жылғы 2 қарашада «БЖЗҚ» АҚ жалғыз акционерінің (Қазақстан Республикасы Ұлттық Банкі Басқармасының 2017 жылғы 02 қарашадағы №198 қаулысымен) «БЖЗҚ» АҚ Директорлар кеңесі туралы ережеге өзгерістер мен толықтырулар бекітілді.

2017 жылғы 22 желтоқсанда «ENPF» АҚ жалғыз акционері Қазақстан Республикасы Ұлттық Банкінің Басқармасының № 265 қаулысына сәйкес мынадай шешімдер қабылдады: 1) «БЖЗҚ» АҚ Жарғысына өзгерістер бекітілді; 2) «БЖЗҚ» АҚ Корпоративтік басқару кодексіне өзгерістер мен толықтырулар бекітілді; 3) «БЖЗҚ» АҚ Директорлар кеңесінің мүшелері - тәуелсіз директорларға төленетін сыйақылар және өтемақылар туралы қағидаларына өзгерістер бекітілді; 4) «Делойт» ЖШС «БЖЗҚ» АҚ-ның 2017 жылғы қаржылық есептілігіне аудит жүргізу үшін аудиторлық ұйым ретінде айқындалды.

Наурыз айында Бірыңғай жинақтаушы зейнетақы қорында азаматтарға арналған жұмысы басталды. Сол арқылы кез-келген адам жеке өзі немесе топ болып Қор басшылығына тікелей сұрақ қоя алады.

Сәуір айында «БЖЗҚ» АҚ телеграм-арнасын telegram.me/enpfkz іске қосты

Сәуір айында БЖЗҚ ресми сайтында «Басқарма төрайымының блогы» жаңа сервисі іске қосылды. Енді кез келген қазақстандық азамат Қордың бірінші басшысына Қазақстан Республикасының зейнетақы жүйесі мен БЖЗҚ қызметіне қатысты тікелей сұрақ қоя алады.

Сәуір айында БЖЗҚ 2016 жыл бойынша зейнетақы активтері мен меншікті активтерге қатысты қаржылық есептіліктің сыртқы аудиті жүргізілді. Тәуелсіз аудиторлық тексерудің қорытындысы бойынша БЖЗҚ-ның қаржылық есептілігі барлық тұрғыда Қордың 2016 жылғы 31 желтоқсандағы қаржылық жағдайын анықталды.

2017 жылдың алғашқы тоқсанында Қор құрылымын оңтайландыру үдерісі аяқталды. Ол бірінші кезекте әкімшілік және операциялық шығындарды қысқарту, Қор қызметі мен көрсетіліп жатқан қызметтердің сапасын арттыруға бағытталған. Тиімсіз және қосалқы үдерістер жойылды. Бұл, Қордың штаттық құрылымын оңтайландыруға мүмкіндік берді. БЖЗҚ-ның жаңа құрылымы бекітілді. Қарапайым мамандардан бастап бөлімше жетекшілеріне барлық деңгейде қызметкерлерге қатысты біліктілік талаптары күшейтілді. Ынталандыру және еңбекақы төлеу жүйесі оңтайландырылды.

2017 жылғы маусым айында Қор enpf.kz сайтында мынадай электрондық қызметтерді жүзеге асырды:
- міндетті зейнетақы жарналарын есепке алу бойынша жеке зейнетақы шотын ашу жөнінде өтініш беру;
- зейнеткерлік жасқа толуға байланысты немесе 1-ші немесе 2-ші топтардағы мүгедектердің мүгедектігі мерзімсіз болып белгіленуіне байланысты зейнетақы төлемдерін тағайындау туралы өтініш беру;
- төлемдерді тағайындау және (немесе) аудару жөніндегі өтініштің орындалу мәртебесін қадағалау.

Шілде айында БЖЗҚ қызметкерлерінің күшімен БАҚ пен блогосфера өкілдері, сондай-ақ журналистика факультеттерінің студенттері үшін осымен екінші рет «Қаржы журналистикасы бойынша жазғы мектеп» шарасы өткізілді.

Қоғамдық кеңес мүшелерінің ұсынысы бойынша БЖЗҚ Қор сайтында зейнетақы активтерінің инвестициялық портфелі туралы ақпаратты ұсынудың жаңа тәсілін әзірледі.

БЖЗҚ ақпараттық қауіпсіздік бойынша ISO/IEC 27001:2013 стандартына сәйкестік жөнінде Британия Стандарттар Институтының сертификаттауынан сәтті өтті.

БЖЗҚ Алматы мен Астана қалалары және барлық облыстардың атқарушы органдарымен ынтымақтастық туралы Меморандумға қол қойды.

Зейнетақы активтерінен алынатын комиссиялық сыйақыны 33%-ға азайту туралы шешім қабылданды.

2016 жылғы 1 қаңтардан бастап әлеуетті құрылымдардың барлық қызметкерлері еңбек сіңірген жылдарына қарамастан республикалық бюджет арқылы зейнетақымен қамсыздандырылатын болады.  

2016 жылғы ақпанда «БЖЗҚ» АҚ-ның жаңа веб-сайты қолданысқа енгізілді.

2016 жылғы 10 тамызда бұрын әскери қызметшілердің пайдасына бюджет қаражаты есебінен аударылған міндетті зейнетақы жарналарының 50 пайызын республикалық бюджетке қайтару шаралары аяқталды. 

2015 жылғы қарашада «Бірыңғай жинақтаушы зейнетақы қоры» акционерлік қоғамының комиссиялық сыйақы шамасын инвестициялық табыстан 30%-ға және зейнетақы активтерінен 10%-ға төмендету туралы шешім қабылданды.  

2015 жылғы 25 қыркүйекте Қазақстан Республикасының «Бірыңғай жинақтаушы зейнетақы қоры» АҚ (БЖЗҚ) Халықаралық зейнетақы және әлеуметтік қорлар қауымдастығының (ХЗӘҚҚ) толық құқықты мүшесі ретінде қабылданды.

2015 жылғы 9 шілдеде Қазақстан Парламенті Сенатының депутаттары «Қазақстан Республикасының кейбір заңнамалық актілеріне зейнетақымен қамсыздандыру мәселелері бойынша өзгерістер мен толықтырулар ензгізу туралы» заң жобасын мақұлдады.

2015 жылғы 3 маусымда «БЖЗҚ» АҚ басқарма құрамы сайланды және Ерденаев Руслан Серікұлы Қор Басқармасының төрағасы болып тағайындалды.

2015 жылғы ақпанда БЖЗҚ ақпараттық жүйелері мен электрондық үкімет порталын ықпалдастыру жүзеге асырылды. Бұл салымшыларға өз жинақтары туралы барлық ақпаратты тез алуға мүмкіндік берді. 

1 қаңтардан бастап БЖЗҚ FIAP толыққанды мүшесі болды.

2 шілдеде «Қазақстан Республикасында зейнетақымен қамсыздандыру туралы» Қазақстан Республикасының жаңа редакциядағы заңы қолданысқа енгізілді.   

31 шілдеде Қазақстан Республикасы Үкіметінің №747 қаулысымен «Бірыңғай жинақтаушы зейнетақы қоры» АҚ құрылды. 

22 тамызда ГНПФ атауының «БЖЗҚ» АҚ болып өзгеруіне байланысты әділет органдарында қайта тіркеуден өтті. «БЖЗҚ» АҚ өз жұмысын бастады. 

26 тамызда Қазақстан Республикасының Ұлттық Банкімен «БЖЗҚ» АҚ зейнетақы активтерін сенімгерлікпен басқару жөніндегі қызметтерді мемлекеттік сатып алу туралы шарт жасалды.   

27 тамызда Қазақстан Республикасының Ұлттық Банкі мен «БЖЗҚ» АҚ арасында қаржы құралдарын және ақшаны сақтау мен есепке алу бойынша кастодиандық қызмет көрсету шарты жасалды. 

«ГНПФ» жинақтаушы зейнетақы қоры» АҚ   Global Pension Fund Awards халықаралық айтулы сыйлықақысын алды. 

Ақпан айында «ГНПФ» зейнетақы қоры салымшыларының зейнетақы жинақтарының көлемі 500 млрд теңгеден асты.   

12 наурыздан бастап «ГНПФ» ЖЗҚ» АҚ акционерінің комиссиялық сыйақы көлемін: инвестициялық табыстан - 15%-дан 12%-ға дейінгі мөлшерде; зейнетақы активтерінен – айына 0,0475%-дан 0,0375%-ға дейінгі мөлшерде өзгерту туралы шешімі күшіне енді.     

1 маусымдағы жағдай бойынша «ГНПФ» зейнетақы қоры 12 ай ішіндегі инвестициялық табыс деңгейі (К2 қалыпты портфелі) бойынша  4,86%-ға тең көшбасшы болды. 

24 қыркүйекте «ГНПФ» зейнетақы қорына 15 жыл толды.  

31 мамырда Еуропалық қайта құру және даму банкі ГНПФ акционерлерінің құрамына кірді. 

Шілде айында сапа менеджменті жүйесін ISO 9001: 2000 стандарты талаптарына сәйкестікке  қайта сертификаттау бойынша аудиттан сәтті өтті.

Тамыз айында KASE Қазақстандық қор биржасы 2006 жылдың қорытындысы бойынша ГНПФ-ті банктік емес брокерлік және/немесе дилерлік ұйымдар арасындағы биржалық бағалы қағаздар нарығының көшбасшысы деп таныды.  

Қазақстандық ІТ-компаниялар қауымдастығы, Қазақстан қаржыгерлері қауымдастығы ҚР Әділет министрлігінің Зияткерлік меншік құқығы жөніндегі комитетінің қолдауымен ГНПФ-ке «Лицензиясыз бағдарламалық қамтамасыз етуден таза аумақ» сертификатын берді.

1 ақпаннан бастап «Мемлекеттік жинақтаушы зейнетақы қоры» АҚ өз атауын «ГНПФ» жинақтаушы зейнетақы қоры» АҚ деп өзгертті.   

Қараша айында Брюссельде (Бельгия) ГНПФ-ке Қазақстан Республикасындағы зейнетақы секторын дамытуға қосқан үлесі (капиталды басқару) үшін «EuroMarket Award» сыйлықақысы берілді.    
25 қарашада Еуропалық қайта құру және даму банкінің ГНПФ-тің акционерлік капиталына кіру ниеті туралы меморандумға қол қойылды.