Жаңалықтар

Биыл Бірыңғай жинақтаушы зейнетақы қоры Жастар жылы аясында қазақстандық жоғары оқу орындары студенттері арасында - «Болашағың өз қолыңда!/Твоё будущее в твоих руках!» атты тақырыпта студенттік жобалар байқауын жалғастыруда. Оған барлық ниет білдіруші студенттер мамандықтары мен оқыту нысанына қарамастан қатыса алады.

Атап өту керек, байқау тәртібінің талаптарына сай емес өтінімдердің көптеп келуіне байланысты, біз байқауды 24 қарашаға дейін ұзарттық! Осылайша қатысушыларға өздерінің бақтарын тағы да сынап көруге қосымша мүмкіндік беріліп отыр.

Еске саламыз, байқауға қатысу үшін студент жеке өзі немесе командасымен (төрт адамнан аспайды) бірге жоба әзірлеуі қажет. Ол жинақтаушы зейнетақы жүйесінің маңыздылығы, жеке зейнетақы шотына жарна аударып, жинақ ақшаны молайту және ерікті жинақтарды қалыптастыру арқылы болашақта лайықты зейнетақы алуға болатындығы туралы ақпаратты халыққа тиімді жеткізуге бағытталуы тиіс. Яғни, ақпаратты әр түрлі байланыс арналары (мысалы, БАҚ-пен жұмыс істеу бойынша жоба, бейнеролик, тележобалар және т. б.), IT шешімдер (ойындар, арнайы қосымшалар және т. б.) және басқа да әдістер арқылы халыққа жеткізетін дайын әрі тиімді шешім болуы керек.

Қиялға ерік беріп, тың идеялар ұсынуға шек қойылмайды! Үздік идеялар үшін бағалы сыйлықтар табыс етіледі. Толыққанды ақпарат www.enpf.kz сайтының «Жаңалықтар» бөлімі мен Қордың әлеуметтік желілердегі ресми парақшаларында орналастырылған. Жұмыстар student@enpf.kz электрондық поштасына қабылданады. Қатысушылар жұмыстармен қоса бейне сәлемдеме, арнайы нысан бойынша қатысушының өтінімін, сондай-ақ суреттер мен фотосуреттерді жіберулері керек. Сұрақтар туындаған жағдайда «БЖЗҚ» АҚ Жұртшылықпен байланыс департаментіне 331-66-99 (ішкі 5220) телефон нөмірі арқылы хабарласуға болады.