Жаңалықтар

Ереже

«БЖЗҚ» АҚ жанындағы Қоғамдық кеңес туралы Ереженің 24 тармағының 2) тармақшасына сәйкес Кеңес екі жылда бір рет Кеңес мүшелерінің құрамын жаңарту мақсатында дауыс беру шарасын өткізеді.

Ереженің 24 тармағының 1) тармақшасына сәйкес Кеңес хатшысы (Кеңес төрағасы және Қор мен Кеңестің өзара іс-қимылына жауап беретін, Қор Басқармасы мүшесінің мақұлдауы бойынша) Кеңес мүшелігіне үміткерлердің жаңа тізімін жасау туралы хабарландыруды жариялауы тиіс.

Ереженің 16 тармағына сәйкес Кеңес тек жеке тұлғалардан: қоғамдық ұйымдардың, қорлардың, заңды тұлғалар (бұдан әрі – коммерциялық емес ұйымдар) қауымдастықтарының (одақтар); БАҚ өкілдерінен; сонымен қатар жекелеген азаматтар – қоғам қайраткерлері, саясаттанушылар, қаржы нарығының сарапшылары, салымшылар (зейнетақы төлемдерін алушылар) және халықтың басқа да санаттарының өкілдерінен құралады.

Өтелмей қалған немесе алынбаған соттылығы жоқ және осы Ереженің 16 тармағында бекітілген талаптарға сай келетін, Қазақстан Республикасының 18 жасқа толған, әрекет етуге қабілетті азаматы Кеңес мүшесі болуы мүмкін.

Кеңес мүшелігіне үміткерлер тізіміне:

1) өзінің өкілі ретінде коммерциялық емес ұйымдар мен БАҚ ұсынған;

2) Кеңес жұмысына қатысуға ниет білдіріп, өз бетімен өтініш берген;

3) Қор шақырған жеке тұлғалар енгізіледі.

Осылайша «БЖЗҚ» АҚ Кеңестің алғашқы құрамының үштен бір бөлігін жаңартатындығын хабарлайды. Жеке тұлғаны Кеңес мүшелігіне үміткерлер тізіміне қосу үшін:

1) коммерциялық емес ұйымның (коммерциялық емес ұйымдардың) немесе БАҚ-тың (егер бұл тұлға коммерциялық емес ұйымның немесе БАҚ-тың өкілі ретінде ұсынылған болса) тиісті жазбаша ұсынысы;

немесе

1) жеке тұлғаның Кеңес құрамына өз кандидатурасын ұсынуы туралы ерікті түрде жазған өтініші (егер бұл тұлға Кеңес жұмысына қатысуға ниет білдіріп, бастамалық сипатта өтініш берген болса);

2) жеке тұлғаның осы Ереженің қосымшасында көрсетілген нысан бойынша өмірбаяндық деректерін көрсете отырып, кәсіби және (немесе) қоғамдық қызметі туралы мәліметтер тапсырылуы тиіс.

Кеңес туралы Ереже және ықтимал үміткерлерге арналған Сауалнама БЖЗҚ сайтының «Қоғамдық кеңес» бөлімінде орналастырылған: www.enpf.kz

Кеңес құрамына қабылдану туралы ұсыныс пен өтінішті press@enpf.kz мекенжайы бойынша 2019 жылдың 15 наурызына дейін жіберуге болады. Олар Қоғамдық кеңестің кезекті отырысында қаралып, жаңа мүшелерді қабылдау туралы шешім қабылданады.