Зейнетақы жинақтарын тұрғын үйге және емделуге пайдалану
Зейнетақы жинақтары — қаржылық болашағыңызды қамтамасыз етуге арналған маңызды резерв. Алайда, біздің салымшылар мен алушылар үшін тұрғын үй жағдайын жақсарту және емделуге ақы төлеу үшін сол жинақтарыңыздың бөлігін пайдалану мүмкіндігі бар. Осылайша сіздің жинақтарыңыз үлкен қаржылық стратегияның бөлігі бола алады.
Біржолғы зейнетақы төлемі (БЗТ) дегеніміз не?
Біржолғы зейнетақы төлемі (БЗТ) тұрғын үй жағдайларын жақсарту және (немесе) өзіңіз үшін де, жұбайыңыз немесе жақын туысыңыз үшін де медициналық қызметтерге ақы төлеу үшін БЖЗҚ-дан алуға болатын зейнетақы жинақтарының сомасын білдіреді. Тұрғын үйге және емделуге зейнетақы жинақтарын пайдалануға тек қана міндетті зейнетақы жарналары (МЗЖ) есебінен қалыптастырылған қаражат қабылданады. Міндетті кәсіптік зейнетақы жарналары (МКЗЖ) және ерікті зейнетақы жарналары (ЕЗЖ) есебінен қалыптастырылған жинақтар біржолғы зейнетақы төлемдері (БЗТ) шеңберінде қолданылуға жатпайды.
БЗТ алу шарттары
Сіз төмендегі шарттар орындалған кезде БЗТ ала аласыз:
|
|
|
Ең төменгі жеткіліктілік шегі
Жеке зейнетақы шотыңызда міндетті зейнетақы жарналары есебінен қалыптастырылған жинақтар сомасының белгіленген шектен асып түсуі.
Ең төменгі жеткіліктілік шегі – заңмен белгіленген зейнетақы жинақтарының ең төменгі сомасы, ол қаражатты ішінара алғаннан кейін өзіңіздің зейнетақы шотыңызда қалуы тиіс. Бұл шек салымшы қаражатын алғаннан кейін зейнетке шыққан кездегі болашақ төлемдер үшін жеткілікті сома қалуды қамтамасыз етуге арналған. Яғни, бұл болашақ зейнетақы төлемдері қалыпты өмір деңгейін қамтамасыз етуге жеткілікті болатынына кепілдік беретін, шотта сақталуға тиіс ең төменгі сома. Ең төменгі жеткіліктік сома ҚР Үкіметі бекіткен әдістемеге сәйкес есептеледі және салымшының жасы, зейнетақы төлемдерінің болжамды мерзімі сияқты факторлар мен басқа да параметрлерді ескереді.
|
|
|
|
Алмастыру коэффициенті
Егер сіз зейнет жасына жеткен болсаңыз және зейнетақы мөлшеріңіз (немесе ай сайынғы қамтылым) зейнетке шыққанға дейін алған орташа табысыңыздың кемінде 40%-ын құраса, онда ол жеткілікті болып саналады және сізге зейнетақы жинақтарыңыздың 50%-на дейін пайдалану құқығын береді.
|
|
|
|
Зейнетақы аннуитеті
Сіз сақтандыру компаниясымен зейнетақы аннуитеті шартын жасадыңыз, бұл зейнетақы төлемдерінің ең төменгі мөлшеріне кепілдік береді, сондықтан сіз БЖЗҚ-дағы барлық жинақтарыңызды пайдалану құқығына ие боласыз.
|
|
|
|
Еңбек сіңірген жылдары үшін зейнетақы төлемдері
Сіз еңбек сіңірген жылдар үшін зейнетақы төлемдерін аласыз, бұл сізге БЗТ аясында барлық өз жинақтарыңызды пайдалану құқығын береді.
|
БЗТ қалай алуға болады:
1. Уәкілетті оператор сайтынан өтінім беріңіз.
Уәкілетті оператор сайтына өтіп, БЗТ алуға өтінімді толтырыңыз. Уәкілетті операторлардың тізімі мына жерде
2. Қаражаттың аударылуын күтіңіз.
Уәкілетті оператор БЖЗҚ-ға электронды хабарлама жіберген соң, сұранысыңыз өңделеді. БЖЗҚ 5 жұмыс күн ішінде бас тартуға негіз болмаса, қажетті соманы сіздің арнайы шотыңызға аударады.
3. Уәкілетті оператордың сайтында құжаттарды тіркеуді ұмытпаңыз.
- емделуге ақы төлеу мақсатында арнайы шотқа қаражат түскен күннен бастап 45 (қырық бес) жұмыс күн ішінде;
- тұрғын үй жағдайын жақсарту мақсатында қаражат арнайы шотқа түскен күннен бастап 20 (жиырма) жұмыс күн ішінде,
Бұл құжаттар ақша мақсаты бойынша пайдаланылатынын растауы қажет. Егер сіз мұны жасамасаңыз, ақша БЖЗҚ-дағы зейнетақы шотына кері қайтарылады. 
