Кері қарай
ЕРІКТІ ЗЕЙНЕТАҚЫ ЖАРНАЛАРЫН (ЕЗЖ) ЕСЕПКЕ АЛУ ҮШІН
ЖЕКЕ ЗЕЙНЕТАҚЫ ШОТЫН (ЖЗШ) АШУ
Ерікті зейнетақы жарналары (ЕЗЖ) – ЕЗЖ салымшылары Қазақстан Республикасының заңнамасында және ЕЗЖ есебінен зейнетақымен қамсыздандыру туралы шартта айқындалатын тәртіппен зейнетақы төлемдерін алушының пайдасына БЖЗҚ-ға өз бастамасы бойынша салатын ақша және (немесе) депозиттерге міндетті кепілдік беруді жүзеге асыратын ұйым «Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы» Қазақстан Республикасының Заңына сәйкес БЖЗҚ-ға аударатын, кепілдік берілген депозит бойынша кепілді өтемнің талап етілмеген сомасы.
ЕЗЖ есебінен зейнетақымен қамсыздандыру туралы шарт (Шарт) – ЕЗЖ-ға, жинақтарға және зейнетақы төлемдерін алуға байланысты құқықтық қатынастарды белгілеу, өзгерту немесе тоқтату туралы шарт, оның талаптарын салымшы (алушы) ұсынылған шартқа тұтастай қосылу жолымен ғана қабылдайды.
ЕЗЖ мөлшерлемесі – Шартта айқындалатын, оны ЕЗЖ салымшысы өзі дербес айқындайтын және өз қалауы бойынша өзгертуі мүмкін, БЖЗҚ-ға төленетін төлем мөлшері.
ЕЗЖ салымшысы – Шартқа сәйкес зейнетақы төлемдерін алушының пайдасына ЕЗЖ-ны өзінің меншікті қаражаты есебінен жүзеге асыратын жеке немесе заңды тұлға, сондай-ақ кепілдік берілген депозит бойынша кепілді өтемнің талап етілмеген сомасы есебінен жүзеге асыратын жеке тұлға.
Бұл ретте ЕЗЖ есебінен зейнетақымен қамсыздандыру туралы шартқа қосылу үшін кәмелетке толмаған адамның заңды өкілінің келісімі талап етілмейді.
БЖЗҚ-да ЕЗЖ есепке алу үшін жеке зейнетақы шоты (ЖЗШ):
> ЕЗЖ аудару кезінде агенттердің БЖЗҚ-ға ұсынатын жеке тұлғалардың тізімдері негізінде;
> ЕЗЖ аудару кезінде жеке тұлғадан өз пайдасына немесе үшінші тұлғаның пайдасына БЖЗҚ-ға түскен бастапқы жарнаның негізінде;
> депозиттерге міндетті кепілдік беруді жүзеге асыратын ұйым ұсынған кепілдік берілетін депозиттер бойынша кепілді өтемнің талап етілмеген сомалары бар салымшылардың (алушылардың) тізімі негізінде ашылады.
Қазақстан Республикасының заңнамасында көзделген, БЖЗҚ-ның функцияларын іске асыру үшін қажетті, жеке тұлғаның азаматтығы, мәртебесі, әрекетке қабілеттілігі, қолданыстағы жеке басты куәландыратын құжатының деректемелері, Қазақстан Республикасындағы тұрғылықты жері бойынша тіркелген орны, «электрондық үкіметтің» веб-порталында тіркелген ұялы байланыстың абоненттік құрылғысының телефон нөмірі туралы мәліметтерді және бар болса, жеке тұлға туралы өзге де мәліметтерді БЖЗҚ мемлекеттік органдардың тиісті ақпараттық жүйелерінен алады.
БЖЗҚ ЖЗШ ашумен байланысты қызметін жүзеге асыру кезінде дербес деректерді жинау және өңдеу субъектінің немесе оның заңды өкілінің келісімінсіз жүргізіледі.
Жеке тұлға өз пайдасына өзінің табысы есебінен ЕЗЖ төлеген кезде төленген ЕЗЖ сомасына салық шегерімі салық заңнамасында көзделген. Бұдан бөлек, 2021 жылғы 1 қаңтардан бастап салық агенті (жұмыс беруші) өз қаражаты есебінен қызметкердің пайдасына төлейтін ЕЗЖ шегерімге жатқызылады, бұл ретте салық агенті қызметкердің жылдық кірісінде оларды есепке алмайды.
ЕЗЖ есебінен зейнетақы төлемдерін алу тәртібі ЕЗЖ есебінен қалыптастырылған зейнетақы төлемдерін жүзеге асыру қағидаларына сәйкес алушымен дербес айқындалады.
ЕЗЖ АУДАРУ ТӘСІЛДЕРІ
• «Қазпошта» АҚ бөлімшелері
• Kaspi.kz ұялы қосымшасы
• Halyk Bank өзіне-өзі қызмет көрсету терминалдары
• екінші деңгейдегі банктер
