Жаңалықтар

2016 жылғы 3 наурызда Алматыда қаржы блогының басшылары мен топ-менеджерлеріне арналған жыл сайынғы CFO Idea Exchange & Networking Event саммиті өтті, онда ҚР қаржы саласын дамыту болашағы, соңғы өзгерістер, ұстанымдар мен жаңалықтар, сондай-ақ еліміздің экономикасының өзекті мәселелері талқыланды.  

«БЖЗҚ» АҚ басқарушы директоры Шанимов Асан «Дәулетті кәрілікке қалай қор жинаймыз?» тақырыбында баяндама жасады. Баяндамада жинақтаушы зейнетақы қоры жұмысының негізгі бағыттарына, БЖЗҚ инвестициялық саясатына, зейнетақы жүйесіне байланысты негізгі экономикалық көрсеткіштерге және зейнетақы жүйесін ары қарай дамытуға шолу жасалды.     

«Қазіргі уақытта зейнетақы активтерінің көлемі ІЖӨ-нің 14,3%-ын құрайды, ол 5 жыл бұрын  9% болған, сондықтан БЖЗҚ қызметі мен зейнетақы активтерін басқару еліміздің экономикасында аса маңызды рөл ойнайды әрі Қазақстан Республикасы азаматтарының әрқайсысына Мәртебелі кәрілікті қарсы алу өздеріне ғана байланысты», - деп айтты Шанимов Асан.          

Сонымен қатар, ол зейнетақы активтерін инвестициялаудың тең нарықтық жағдайларда ғана жүзеге асырылатынын, ал сала бойынша бөлу инвестициялардың сақталуына кепілдікті және зейнетақы активтерінің экономикаға барынша мол қайтарымын қамтамасыз етуге тиіс екендігін атап көрсетті.  

Асан Шанимов: «Сөзімнің соңында қосарым, дәулетті кәрілік - ол тек қаржылық тұрақтылық қана емес, сонымен қатар біздің дұрыс тәрбиеленген балаларымыз, бізбен бірге олар да өмір сүретін мемлекетіміздің тұрақты саяси және экономикалық ахуалы. Мен Қазақстан азаматтарының мүдделерін қорғайтын мемлекет басшысының да және еліміздің кез келген азаматының  да бұған мүдделі екеніне сенімдімін» - деп сөзін аяқтады.