Жаңалықтар

Әлеуетті құрылымдар қызметкерлерін зейнетақымен қамсыздандыруды жаңғырту аясында 2016 жылғы 1 қаңтардан бастап оларды толық мемлекеттік зейнетақымен қамсыздандыруға ауыстыру көзделді.
Аталған шара еңбек сіңірген жылдары 1998 жылға дейін кемінде 10 жыл болған әлеуетті құрылымдар қызметкерлерінің зейнетақы мөлшерін көбейту мақсатында қабылданып отыр.

Бүгінгі таңда еңбек сіңірген жылдары бойынша әртүрлі жылда тиісті демалысқа шыққан әскери қызметшілер зейнетақыларының мөлшерінде айтарлықтай айырмашылық бар:

- 1998 жылғы 1 қаңтарда еңбек сіңірген жылдары 10 жыл және одан асатын қызметкерлер бюджет қаражаты есебінен зейнетақы төлемдерін толық көлемде алып отыр әрі олар жинақтаушы зейнетақы жүйесінің салымшысы емес.
- 1998 жылғы 1 қаңтарда еңбек сіңірген жылдары 10 жылдан аз қызметкерлер бюджеттен толық көлемде төленбейтін зейнетақы алады және олардың Бірыңғай жинақтаушы зейнетақы қорындағы шоттарына мемлекеттік бюджет есебінен қызметкер табысының 20% мөлшерінде міндетті зейнетақы жарналары төленеді (табысының 10% мөлшерінде міндетті зейнетақы жарналары аударылатын БЖЗҚ-ның басқа салымшыларын қоспағанда).

2016 жылғы 1 қаңтардан бастап әлеуетті құрылымдардың барлық қызметкерлері еңбек сіңірген жылдарына қарамастан республикалық бюджеттен зейнетақымен қамсыздандырылатын болады. 

1998 жылы еңбек сіңірген жылдары 10 жылдан аз қызметкерлерге бұрын тағайындалған зейнетақы төлемдерінің мөлшері қайта есептеледі. Зейнетақы төлемдерінің мөлшерін бұрын алынған табысқа салыстырылған толық көлемге дейін ұлғайту көзделген. Осылайша, әлеуетті құрылымдардың барлық зейнеткерлері лайықты зейнетақы алатын болады.

Бұл орайда, бұрын бюджеттен аударылған міндетті зейнетақы жарналарының 50% республикалық бюджетке қайтарылады, сондай-ақ әскери қызметшілердің пайдасына міндетті зейнетақы жарналарын төлеу тоқтатылады.
Бұрын әлеуетті құрылымдар қызметкерлерінің пайдасына бюджеттен аударылған міндетті зейнетақы жарналары жазбаша өтініштің негізінде қайтарылады, өтінішке жеке басты куәландыратын құжат көшірмесі және аударылған міндетті зейнетақы жарналары туралы БЖЗҚ анықтамасы қоса беріледі. Қызметкер өтінішті зейнетақы жарналарын аударған уәкілетті мемлекеттік органға (ведомос, аумақтық бөлімшелер және ведомосқа қарасты мекемелер) береді.
Зейнетақы жарналары мен есептелген инвестициялық табыстың жартысы БЖЗҚ салымшысы болып табылатын әлеуетті құрылымдар қызметкерлерінің жеке зейнетақы шоттарында қалады. Әлеуетті құрылымдар қызметкерлері зейнетақы заңнамасының нормаларына сәйкес жалпы негіздер бойынша зейнетақы жинақтарының қалған жарты бөлігін пайдалану құқығын иеленеді. Қандай да бір себептермен зейнетақы жарналары қайтарылмаған әскери қызметшілер де осы талаптармен зейнетақы төлемдерін алатын болады.

«БЖЗҚ» АҚ Баспасөз орталығы
БАҚ үшін байланыстар: press@enpf.kz