Жаңалықтар

БЖЗҚ салымшылар (алушылар) үшін интернет қызметтерді дамытуды жалғастыруда

2015 жылғы 1 маусымдағы жағдай бойынша қызметті қосқан кезден бастап (2015 жылғы ақпан), e-gov электрондық үкімет порталы арқылы салымшылар (алушылар) инвестициялық табыс есебімен инвестициялық жинақтарының жай-күйі туралы ақпарат қамтылған 26 000 астам үзінді көшірмелер алды.

Ағымдағы жылдың 1 маусымына 300 000 адам электрондық пошта арқылы ЖЗШ-нан және 400 000 адам – Қордың веб-сайтынан ақпарат алу тәсілдерін таңдады.

Сонымен қатар смартфондар мен планшеттер үшін ENPF мобильді қосымшасын жүктеудің саны артты. 2015 жылғы 1 маусымдағы жағдай бойынша қосымша 42 300 астам рет жүктелді.

Ағымдағы жылдың 1 маусымдағы жағдайы бойынша БЖЗҚ-ның негізгі көрсеткіштері:

• шарттардың барлық түрлері бойынша салымшылардың (алушылардың) жеке зейнетақы шоттарының (ЖЗШ) саны 10 014 027 бірлікті құрады;
• зейнетақы жинақтарының жалпы сомасы 4,85 трлн. теңгеден асты;
• 2015 жылдың бес айы үшін БЖЗҚ алған және салымшылардың (алушылардың) ЖЗШ-на үлестірілген инвестициялық табыс 121,82 млрд. теңгені құрады.

2015 жылғы 5 ай үшін зейнетақы төлемдерінің сомасы 64,57 млрд. теңгені, оның ішінде сақтандыру ұйымдарына аударымдар 6,31 млрд. теңге құрады.

Міндетті кәсіптік зейнетақы жарналары бойынша шарттарды жасасу бойынша жұмыс жалғасуда. 2015 жылғы 1 маусымға БЖЗҚ-да жинақтардың 40,9 млрд. теңге жалпы сомасымен міндетті кәсіптік зейнетақы жарналары бойынша 369 567 ЖЗШ ашылған.

БЖЗҚ өңірлік желісінде 236 қызмет көрсету кеңселері бар. Өңірлік құрылымға 18 филиал кіреді – әрбір облыс орталығында және республикалық мәні бар қалаларда (Алматы және Астана), сондай-ақ облысқа бағынышты ірі қалаларда (Жезқазған және Семей). БЖЗҚ қызмет көрсету сапасын жетілдіру мақсатында қызмет көрсетіп отырған кеңселердің жұмысына және салымшылардың (алушылардың) жүгінулер санына талдау жасайды, өңірлердегі кеңселердің жеткіліктілігіне тұрақты түрде мониторинг жүргізеді.

2014 жылы зейнетақымен қамсыздандыру мәселелері бойынша ақпарат алу үшін БЖЗҚ-ға, Қор кеңселеріне 3 миллионнан астам адам жүгінді. Ағымдағы жылдың бес айы үшін қор кеңселеріне шамамен 1 940 000 адам жүгінді.  

БАҚ үшін байланыс көздері: press@enpf.kz