Жаңалықтар

Қор жұмысының тағы бір маңызды бағыттарының бірі – Қордағы ішкі бизнес-үдерістерді қайта қарау, ішкі бақылау жүйесі мен тәуекелдерді басқаруды күшейту.

2017 жылдың алғашқы тоқсанында Қор құрылымын оңтайландыру үдерісі аяқталды. Ол бірінші кезекте әкімшілік және операциялық шығындарды қысқарту, Қор қызметі мен көрсетіліп жатқан қызметтердің сапасын арттыруға бағытталған. Тиімсіз және қосалқы үдерістер жойылды. Бұл, Қордың штаттық құрылымын оңтайландыруға мүмкіндік берді. БЖЗҚ-ның жаңа құрылымы бекітілді. Қарапайым мамандардан бастап бөлімше жетекшілеріне барлық деңгейде қызметкерлерге қатысты біліктілік талаптары күшейтілді. Ынталандыру және еңбекақы төлеу жүйесі оңтайландырылды.

Меншікті активтерді инвестициялау қызметіне байланысты тәуекелдерді басқару аясында меншікті активтерді инвестициялау саясатында сатып алуға рұқсат етілген қаржы құралдарының тізбесі (меншікті активтер есебінен сатып алуға рұқсат етілген), эмитенттердің рейтингіне қатысты талаптар, бір эмитенттің қаржы құралдарына орналастыру мөлшері бойынша шектеулер бекітілген. Осы арқылы тәуекелсіз немесе тәуекелі ең төмен қаржы құралдарына инвестициялау қызметі қамтамасыз етіледі. Бұл түптеп келгенде «БЖЗҚ» АҚ меншікті капиталын сақтауға септігін тигізеді.

Қордың ішкі аудиті күшейтілді. Әр филиалда штаттық кестеге ішкі аудиторлар енгізілді. Олар Қордың өңірлік бөлімшелерінің операциялық қызметін бақылау жүйесін қамтамасыз ететін болады.