Зейнетақы аннуитеті: зейнетке ерте шығу жолы

Зейнетақы аннуитеті дегеніміз не?

Зейнетақы аннуитеті — бұл сақтандыру компаниясымен жасалған шарт, ол арқылы сіз белгілі бір соманы алдын ала төлейсіз және оның орнына белгілі бір жасқа жеткенде тұрақты төлемдер аласыз. Бұл төлемдер өмір бойына төленеді. Нарықта өз қызметтерін көптеген сақтандыру компаниялары ұсынатынын түсінген маңызды, сондықтан аннуитет талаптары да түрлі болуы мүмкін. Шарттың барлық талаптарын мұқият зерттеуді ұсынамыз. 

Сақтандыру ұйымына зейнетақы жинақтарын кім бере алады?

Зейнетақы жинақтарын сақтандыру ұйымына аудару үшін бірқатар шарттарды орындау қажет:

Біріншіден, зейнетақы жарналарының міндетті түрлері (МЗЖ, МКЗЖ) есебінен жеткілікті соманы жинақтау керек.

Аталған шарт ай сайынғы төлемдеріңіз ең төменгі күнкөріс деңгейінен кемінде 70%-ды құрау үшін қажет.

Екіншіден, белгілі бір жасқа жету керек. Егер жинақтар МЗЖ есебінен жинақталса, онда зейнетақы аннуитеті шартын 45 жастан бастап жасауға болады. Егер жинақтар 60 ай ішінде төленген МКЗЖ есебінен қалыптасқан болса, онда аннуитетті 40 жастан бастап жасауға болады.  

➤ Ерлер 55 жасқа толғаннан бастап аннуитет алуды бастай алады

➤ Әйелдер 2024 жылы 53 жастан бастап аннуитет ала алады, бірақ әйелдердің жасы 2031 жылы 55 жасқа толғанға дейін біртіндеп өсе береді.

Бұл қалай жұмыс жасайды?

Алдымен зейнетақы шотыңызда қанша ақша бар екенін білуіңіз керек. Бұл сізге аннуитетке қандай сома салу керектігін түсінуге көмектеседі.

Егер аннуитет ресімдеу үшін міндетті зейнетақы жарналары (МЗЖ) және (немесе) міндетті кәсіптік зейнетақы жарналары (МКЗЖ)  есебінен зейнетақы жинақтарыңыз жеткіліксіз болса, онда ерікті зейнетақы жарналары (ЕЗЖ) есебінен жинақталған жинақтарыңызды пайдалана аласыз.

Егер жинақтарыңыз басқа жарналар сомасын қоса алғанда да жетпейтін болса, онда жұбайыңызбен немесе жақын туысыңызбен бірлескен аннуитет ресімдей аласыз немесе өз қаражатыңыз есебінен соманы толықтыра аласыз.

Аннуитет бойынша төлемдер

Сіз соманы сақтандыру компаниясына аударғаннан кейін 10 жұмыс күннен кешіктірмей ай сайынғы төлемдерді ала бастайсыз. Төлем мөлшері ең төменгі күнкөріс деңгейінен 70%-дан төмен болмайды. Бұл төлемдер негізгі қажеттіліктерді өтеуге жеткілікті болуы тиіс дегенді білдіреді. Егер аннуитетті екі тұлға ресімдеген болса, төлем мөлшері 1,4 еселенген ең төменгі күнкөріс деңгейіне дейін ұлғаяды. 

Тағы не білу керек!

Шарт жасалғаннан кейін екі жылдан кейін сақтандыру төлемдерінің мөлшерін азайту және қажет болған жағдайда ақшаны БЖЗҚ-ға қайтару бөлігінде шарттың талаптарын өзгерте аласыз.

Егер сізде міндетті зейнетақы жарналары (МЗЖ) немесе міндетті кәсіптік зейнетақы жарналары (МКЗЖ) есебінен зейнетақы жинақтарыңыз болса, және зейнетақы аннуитеті шартын жасаған болсаңыз, онда сіз зейнетақы шотыңыздағы қалған ақшаны басқа зейнетақы аннуитеті шартын жасасу үшін пайдалана аласыз не біржолғы зейнетақы төлемдері (БЗТ) арқылы тұрғын үй жағдайларын жақсартуға және/немесе емделуге ақы төлеуге толық көлемде пайдалана аласыз.

Зейнетақы жинақтарын сақтандыру ұйымына аудару тәртібі туралы толық ақпарат